بعد الخسارة من روسيا.. ميدو: كويس إن مصر كلها زعلانة

أكد احمد حسام ميدو المدير الفني لوادي دجلة السابق، على ضرورة احترام الأرجنتيني هيكتور كوبر المدير الفني لمنتخب مصر الأول وجهازه، وذلك بعد الخسارة من روسيا مساء الأمس وانعدام فرص الفراعنة في بلوغ الدور المقبل.

وواجه كوبر انتقادات عديدة بعد الخسارة المريرة مساء الأمس بثلاثة اهداف مقابل هدف في المباراة التي أقيمت على ملعب "كريستوفسكي" لحساب الجولة الثانية من منافسات المجموعة الأولى بكأس العالم، بسبب الأداء المتحفظ في معظم فترات المباراة، وعدم إدارة اللقاء بشكل جيد.

وقال ميدو عبر حسابه الشخصي على موقع لتدوين المصغر "تويتر": " "كويس إن مصر كلها زعلانة إن احنا طلعنا بالشكل ده مِن المونديال ده دليل إن إحنا المرة اللي جاية مش هنكتفي بس بالصعود ولكن هنبقى عايزين نعمل كاس عالم كويس وده كلام كويس جدا علشان نمشي لقدام ونتطور!!".

صباح الخير على الجميع كويس ان مصر كلها زعلانه ان احنا طلعنا بالشكل ده مِن المونديال ده دليل ان احنا المره اللي جايه مش هنكتفي بس بالصعود ولكن هنبقى عايزين نعمل كاس عالم كويس وده كلام كويس جدا علشان نمشي لقدام ونتطور!!

— Mido (@midoahm) ٢٠ يونيو ٢٠١٨

وأضاف: "أهم حاجه لازمً نحترم كوبر وجهازه ولازم ماننساش الإنجاز اللي عملوه ماينفعش نبقى جاحدين!!".

وتابع: "الناس دي استلمت المنتخب مابيوصلش كاس أمّم بقاله ٣ مرات ووصلونا نهائي كاس الأمم ووصلونا كاس عالم يبقى ماينفعش ننسالهم كل ده!! الناس دي محترمة أخلصت في كل يوم ودقيقه في عملهم!!".

اهم حاجه لازمً نحترم كوبر وجهازه ولازم ماننساش الإنجاز اللي عملوه ماينفعش نبقى جاحدين!! الناس دي استلمت المنتخب مابيوصلش كاس امّم بقاله ٣ مرات ووصلونا نهائي كاس الامم ووصلونا كاس عالم يبقى ماينفعش ننسالهم كل ده!! الناس دي محترمه أخلصت في كل يوم ودقيقه في عملهم!!

— Mido (@midoahm) ٢٠ يونيو ٢٠١٨

واستطرد: "دلوقتي مصر كلها داقت لذة وحلاوة التواجد في كاس العالم ولازم كلنا نفكر إزاي نعمل كل حاجة علشان نبقى موجودين في كاس العالم اللي جاي وإزاي لما نبقى موجودين ما نظهرش بالمستوى ده، ويكون شكلنا أحسن ونعمل نتائج أفضل!!".

دلوقتي مصر كلها داقت لذة وحلاوة التواجد في كاس العالم ولازم كلنا نفكر ازاي نعمل كل حاجه علشان نبقى موجودين في كاس العالم اللي جاي وإزاي لما نبقى موجودين مانظهرش بالمستوى ده ونكون شكلنا احسن ونعمل نتايج أفضل!!

— Mido (@midoahm) ٢٠ يونيو ٢٠١٨